In Love

الظلم كمين فى النفس البشرية الضعف يخفيه والقوة تظهره

Thursday, October 12, 2006

مرة من مرات قليلة فى حياتى احس انى فرحانة وزعلانة ونفسى اعمل حاجة وحاسة بالملل بس ماعنديش وقت احس بالملل
حد فاهم حاجة؟؟؟؟؟؟؟
انا فرحانة عشان رجعت من السفر ودى فى حد ذاتها حاجة جميلة بالنسبة لى لكذا سبب اهمهم انى بشوف اهلى + انى مش بحب القاهرة ولا هى بتحبنى وفرحانة كمان انى عملت المدونة دى عشان اطلع كل اللى جوايا وقت ما احب

زعلانة عشان المنتدى اللى هو اسرتى مش شغال والموضوع ده مضايقنى جداااااااااااااااا وزعلانة كمان عشان الكلية مش رحمانا
كل شوية امتحان من اولها كده والواحد مش عارف يذاكر عشان رمضان اليوم فيه بيطير.....زعلانة كمان عشان رمضان طاااااار

نفسى اعمل حاجة مفيدة سواء فى بورسعيد او فى الكلية او للناس بوجه عام نفسى ابأى انسان فعال فى المجتمع مش عشان ابأى كده وخلاص لأ....عشان انا بجد عايزة اعمل حاجة

حاسة بالملل عشان رتم الحياة الممل نفسى اعمل حاجة جديدة مفيدة غير انى اروح الكلية واتشغل فى الامتحانات والكلام ده كله

حاسة ان دماغى هتنفجر من كتر المواضيع اللى فيها لأن مش هى دى بس المواضيع اللى شغلانى فى حاجات تانية كتير وكل مااحاول مافكرش مش عارفة....

ياترى اخرتها ايه؟؟؟؟؟؟؟؟؟

انا شخصيا مش فاهمة حاجة من اللى كتبته

3 Comments:

  • At 12:12 AM , Blogger زحل الفلكي said...

    الف مبروك المدونة يا نيره
    علشان الخبطة اللي انتي فيها دي محتاجة تقعدي مع نفسك شوية في يوم كده فضي دماغك وسيبي كل الدوشة تخرج وكله حيبقا تمام ان شاء الله

    الف مبروك مره تانيه على المدونة

     
  • At 8:39 AM , Blogger rosealia29 said...

    مبروك يا جميلة على المدونة .. و إن شاء الله انا من المتابعين ...

     
  • At 8:59 PM , Blogger Khaled Sh said...

    انا فاهم حاجة !

    مفيش أجمل من ان الواحد يقعد مع نفسه . . .

    و يسيب الأفكار تتدفق لوحدها على الكيبورد . . .

    أو حتى خواطر. . .

    لكي الحق أن تعرضي أفكارك و خواطرك على العالم أجمع

    انتي بتكتبي علشان " نيرة" في المقام الأول . . . وليس لأي شخص آخر

    افتكري ده كويس :)

     

Post a Comment

Subscribe to Post Comments [Atom]

<< Home